Itzulketa bat egiteko, 30 lanegun dituzu bidalketaren berrespen-mezu elektronikoa jasotzen duzunetik hasita.

Zure salgaiak itzuli ahalko dituzu, baldin eta ondoren aipatzen diren baldintzak errespetatzen badira:

1. Salgaiek egoera onean egon behar dute, eta dagokien tiketarekin. Ez da onartuko erabilitako, garbitutako edo barne-etiketarik gabeko jantziak itzultzea.

2. Ez da aldaketarik edo itzulketarik onartuko bilgarri eta/edo jatorrizko zigilu osorik gabe

3. Bilgarririk edo zigilurik ez duten lurrindegiko produktuak ezin dira ez aldatu ez itzuli higieneagatik

4. Higiene-arrazoiengatik, ezin dira aldatu edo itzuli entzungailuak, kaskoak, botilak eta gorputza zaintzeko eta garbitzeko produktuak.

5. Ez da onartuko barruko arropa eta bainurako arropa aldatzea edo itzultzea eranskailu higienikorik eta/edo jatorrizko zigilurik gabe.

6. “PAKETE” formatua duten produktuak ezingo dira ez bereizi, ezta partzialki edo indibidualki itzuli ere.

7. Ez da onartuko ez aldaketarik ez itzulketarik bezeroaren eskariz aldatutako/pertsonalizatutako jantzietan, ez eta beste merkatu batean erositako produktuetan ere.

Itzulketa onartu ondoren, berrespen-mezu elektroniko bat jasoko duzu, eta zenbatekoa erosketa egin zenuen ordainketa-metodo beraren bidez ordainduko zaizu, gehienez ere 15 laneguneko epean.

Bi aukera dituzu salgaiak itzultzeko!

30 egun dituzu itzulketa egiteko, eskaera bidali zaizula baieztatzen duen mezu elektronikoa jasotzen duzunetik.

Denda fisikoan egindako itzulketak doakoak dira, eta erosketa egin duzun herrialde bereko edozein Lefties dendatan itzuli ahal izango duzu zure eskaera.

Kanariar Uharteetan egindako erosketak Kanariar Uharteetako Lefties dendetan soilik itzuli ahal izango dira, eta ezingo dira penintsulako gainerako Lefties dendetan itzuli.

Itzulketa dendan egiteko, ez dago eskaera egin beharrik webgunean edo aplikazioan. Itzuli nahi dituzun salgaiak eta erosketa-txartela bakarrik aurkeztu beharko dituzu (mugikorrean edo inprimatuta erakutsi ahalko duzu). Pantaila-argazkiek ez dute balioko.

Erosketa-txartela lortzeko, hasi saioa erabiltzailearekin eta pasahitzarekin “Nire Kontua - Nire erosketak” atalean. Posta elektronikoz ere jasoko duzu txartela, eskaera bidali ondoren.

IPOD dendetan egindako erosketetarako, esteka bat bidaliko dizugu SMS bidez, zure eskaeraren jarraipenera sartzeko eta zure txartel elektronikoa deskargatzeko.

Dendara joaterik ez baduzu, zuk aukeraturiko pertsona joan ahalko da zure ordez, betiere erosketa-txartela eskura badu.

30 egun dituzu itzulketa egiteko entrega-gune batean, eskaera bidali zaizula baieztatzen duen helbide elektronikoa jasotzen duzunetik.

Entrega-guneko itzulketa-aukerak online erosketetarako baino ez daude eskuragarri. Ez du balio gure denda fisikoetan erositako produktuetarako, ez eta IPOD dendan egindako erosketetarako ere; itzulketa bat egin nahi baduzu, gure dendetako batera joan beharko duzu.

Entrega-gunean itzulketa bat egiteko, erabiltzailearekin eta pasahitzarekin saioa hasi eta “Nire kontua - Nire erosketak” atalean adierazitako urratsak jarraitu behar dituzu. Eskaeraren xehetasunak. Hainbat eskaeratan dauden salgaiak itzuli nahi badituzu, horietako bakoitzerako itzulketa-etiketa eskatu behar duzu. Ezin izango dira itzuli eskaera desberdinetatik datozen salgaiak pakete bakar batean.

Eskaera jaso ondoren, barra-kode bat jasoko duzu zure e-postan, inprimatu eta paketean erantsi ahal izango duzu edo, nahiago izanez gero, erakutsi mugikorretik zure e-postan jaso zenuen etiketan ageri den barra-kodea, inprimatu beharrik izan gabe. Barra-kodea guk emango dizugunez, ez duzu bidalketa-helbiderik idatzi behar paketean.

Entrega-gune bateko itzulketek (Drop Off) 1,99 euroko kostua dute, eta itzulketaren guztizko zenbatekotik deskontatuko zaizu. Eskuragarri dauden jaitsiera puntuak ikusteko, egin klik [HEMEN]

Lefties.com wegbugean opari-txartelarekin ordaindu dituzun erosketen diru-itzulketetarako, txartel horren kopia birtuala jasoko duzu, saldo eguneratuarekin, diru-itzulketaren berrespen-mezu elektronikoarekin batera.

Online edo Inditex taldearen edozein dendatan erabili ahal izango duzu txartela: Zara, Pull&Bear, Massimo Dutti, Bershka, Lefties, Stradivarius, Oysho eta Zara Home.

LEFTIES.com webgunean erositako jantziak beste neurri edo kolore batez alda daitezke gure Lefties dendetan, baldin eta egoera ezin hobean badaude, dendan stocka badugu eta prezio bera badute.
Erosketa beste salgai batekin aldatu nahi baduzu, itzuli eta beste eskaera bat egin beharko duzu on line.

Gogoratu 30 egun dituzula aldaketa egiteko, zure eskaera bidali dela baieztatzeko helbide elektronikoa jasotzen duzunetik.